राष्ट्रपती पदाच्या निवडणुकीला वेगळे वळण
|
 |
| वित्तमंत्री प्रणव मुखर्जी यांची राष्ट्रपतीपदासाठी अधिकृत उमेदवारी जाहीर करताच त्यांच्या नावाला वाढता पाठिंबा मिळत आहे. राष्ट्रीय लोकशाही आघाडी(एनडीए) आणि डाव्या पक्षांसह इतर विरोधी पक्षांनी अद्याप भूमिका स्पष्ट केलेली नसली तरी त्यांनाही मुखर्जी यांचा सव संमतीचा उमेदवार म्हणून नाईलाजाने स्वीकार करावा लागेल. २३ जूनला प्रणव मुखर्जी वित्तमंत्रीपदाचा राजीनामा देतील व त्याच्या दुसर्‍या दिवशी म्हणजे २५ जून रोजी राष्ट्रपतीपदासाठी उमेदवारी अर्ज भरतील, असे समजते. पंतप्रधानांच्या निवासस्थानी झालेल्या ‘युपीए’मधील घटकपक्षांच्या एक तासाच्या बैठकीनंतर काँग्रेस अध्यक्षा श्रीमती सोनिया गांधी यांनी प्रणवदांची उमेदवारी जाहीर केली. मुखर्जी यांच्या नावावर व्यापक सहमती असून सर्व राजकीय पक्ष तसेच खासदार व आमदारांनीही त्यांच्या नावाला पाठिंबा द्यावा, असे आवाहन त्यांनी केले. डॉ. ए.पी. जे. अब्दुल कलाम यांचे नावही काही पक्षांनी जोरदार चर्चेत ठेवले होते. परंतु युपीएच्या उमेदवाराला इतरांच्या पाठिंबा धरून ६0 टक्क्यांपर्यंत मते मिळू शकतात, असे चित्र स्पष्ट झाल्याने कलाम यांनी निवडणुकीच्या रिंगणात न उतरण्याचे रात्री स्पष्ट केले. एनडीए अणि डाव्या पक्षांनी मुखर्जींना पाठिंबा द्यायचा नाही, असे म्हटले तरी प्रतिस्पर्धी उमेदवार शोधण्यापासून त्यांना सुरुवात करावी लागणार आहे. त्यामुळे फार तर उपराष्ट्रपदासाठी ‘बार्गेनिंग’ करून अखेर एनडीएही मुखर्जींना पाठिंबा द्यायला तयार होईल, असे राजकीय निरीक्षकांना वाटते.
Source : Online. |
1 Comment. Leave new
rock on……..!!!!!!!!!!!!!!!!!!!!!!!