भाजपच्या ‘हुंकार रॅली’ साठी राष्ट्रपतींनी आपला दौरा आवरला




Like
Like Love Haha Wow Sad Angry

narendra modi

 भाजपचे पंतप्रधानपदाचे उमेदवार नरेंद्र मोदीं यांच्यासाठी राष्ट्रपतीं प्रणव मुखर्जी यांनी आपला पाटणा दौरा आवरता घेतलाय. राष्ट्रपतींनी आपला पाटण्याचा दौरा एका दिवसानं कमी करून राजधानीत एकदिवस आधी परतण्याचं मान्य केलंय. भारताचे राष्ट्रपती प्रणव मुखर्जी आणि भाजपचे पंतप्रधानपदाचे उमेदवार नरेंद्र मोदी हे दोघंही २७ ऑक्टोबर रोजी पाटण्यात येणार होते. राष्ट्रपतींच्या पाटणा भेटीच्या दिवशीच भाजपची ‘हुंकार रॅली’ आयोजित केली होती. त्यासाठी भाजप नेते शाहनवाझ हुसैन आणि राजीवप्रताप रूडी यांनी आज राष्ट्रपतींची भेट घेऊन २७ तारखेचा राष्ट्रपतींचा पाटण्यातला कार्यक्रम रद्द करण्याची विनंती केली. व ती राष्ट्रपतींनी मान्य करत २६ तारखेलाच नवी दिल्लीत परतणार असल्याचं आज स्पष्ट केलं आहे.
२७ तारखेला राष्ट्रपती पाटणा आयआयटीतच्या पदवीदान समारंभाला उपस्थित राहणार होते. बिहारचे मुख्यमंत्री नितीश कुमार यांनी जाणीवपूर्वक राष्ट्रपतींचा दौरा भाजपच्या ‘हुंकार रॅली’च्या दिवशीच आखल्याची टीका भाजप नेते सुशील मोदी यांनी केली होती. त्यावरून मोठा वाद निर्माण झाला होता.

Like
Like Love Haha Wow Sad Angry




, , ,



  • Polls

    महाराष्ट्रातील भाजप आणि शिंदे सेना युती टिकेल का ?

    View Results




Leave a Reply

This site uses Akismet to reduce spam. Learn how your comment data is processed.

Menu