काँग्रेसच्या दिग्विजय सिंग यांनी पुन्हा एकदा बेताल वक्तव्य करून वाद ओढावून घेतलाय. दिग्विजय सिंग यांनी राष्ट्रीय स्वयंसेवक संघाची तुलना गावठी संडासाशी केली आहे. ट्विटरवर आपले विचार मांडताना दिग्विजय सिंग यांनी लिहिलं की, ‘भारतात आजही ७०% लोक सकाळी शेतात शौचालयाला बसतात. त्यासाठी सरकारने शौचालयांची व्यवस्था करावी. या शौचालयांना ‘रुरल स्वदेशी संडास‘ (आरएसएस) असं नाव द्यावं. सरकारी योजनेतून निर्माण झालेल्या शोचालयांना `राष्ट्रीय स्वच्छता शौचालय` म्हणजे पुन्हा `आरएसएस` हे नाव द्यावं.’ दिग्गी राजांनी आपलं मत मांडलं आहे. ‘जे लोक या नावांमधून चुकीचा अर्थ काढतात, त्यांचे विचारच खराब आहेत.’ असंही दिग्विजय सिंग यांनी स्वतःच सांगून टाकलंय.
Source : Online News Updates.
