Life its all about Simple living and High thinking, our roll on this world should be like very simple and thinking must be very high. articles written by Pradeep Narhari kelkar, Mumbai.
रहाणी साधी आणि उच्च विचारसरणी असलेल्या व्यक्ती जरी आर्थिकदृष्ट्या गरीब असल्या किंवा श्रीमंत असल्या तरी त्यांच्या वागण्या – बोलण्यात हळुवारपणा असतो. अत्यंत नम्र, शांत स्वभाव याकारणे मन प्रसन्न असतं. उच्च विचारसरणी असल्याने गर्वही नसतो. त्यामुळे अशा व्यक्ती भेटल्या की आपल्याला आपलं जिवाभावाच माणूस भेटल्याचा आनंद निश्चित होतो. अशा आनंदाची अनुभूती मी स्वतः घेतलेली आहे. म्हणूनच साधी रहाणी आणि उच्च विचारसरणी असलेल्या व्यक्ती मला आवडतात. त्यांच्या वागण्या – बोलण्यातून खूप काही शिकावयास हमखास मिळतं. उच्च विचारांची श्रीमंती त्यांच्याकडे असते. हीच श्रीमंती आपल्याला मोठं करीत असते, याचा विचार आपण करावयास हवा. एक वेळ आर्थिक श्रीमंती आपल्याला दगा देईल पण उच्च विचारसरणीची श्रीमंती आपल्याला दगा न देता विचारांनी श्रीमंत करील यात शंका नाही असे माझे मत आहे. आपण कुठली श्रीमंती पसंत कराल, सांगा ना.
प्रदीप नरहरि केळकर.
ठाणे, १७०९२०१३.
