सुंदर मुलगी पाहून

Like Like Love Haha Wow Sad Angry 91 सुंदर मुलगी पाहून पाहूनहि मुलगी सुंदर हे विश्वच जणु मनोहर, वाटते सृष्टीत...
Like
Like Love Haha Wow Sad Angry
91

butterfly_and_girl_sketch_by_yxinn-d5ju25j

सुंदर मुलगी पाहून

पाहूनहि मुलगी सुंदर
हे विश्वच जणु मनोहर, वाटते
सृष्टीत जणु अवतरली
ही परीच स्वप्नांमधली, सावळी
जादू ती दिसणे ही पण
सुगंधित झाला कण कण, भोवती
लागले, वेड लागले, काहिना कळे
का खुळा झालो, का मलाच विसरून गेलो, आज मी

ते डोळे गहिरे गहिरे
तेजस्वी मोहक तारे, पाहिले
ही पहाट आयुष्याची
भुपाळी सुखसमयाची, वाटली
अनिमिष पाहत जाणे
काळाचे थांबुन जाणे, होऊ दे
मागणे, एक सांगणे, रत्न देखणे
मला भेटावे, डोळ्यातुन प्रतिबिंबावे, मी हिच्या

भुवयांची नाजुक वळणे
ओठांचे अलगद हसणे, बोलके
चमचम रेशिम केसांचे
भाळी चित्रण टिकलीचे, नेटके
सौंदर्य सर्व जगताचे
अंगात हिच्या भरल्याचे, जाणवे
सावळे, रूप गोजिरे, वार तो ठरे
काळजावरती, प्रेमाची सागर भरती, वादळी

प्रेमात हिच्या भिरभिरती
कित्येक ठिकाणी फिरती, लोक ते
जो असेल हिच्या मनात
तो भाग्यवान जगतात, केवढा
हृदयात आत धडधडले
जे प्रथम दर्शनी जडले, काय ते?
प्रार्थना, तीव्र कामना, की तिच्या मना
मधे मी यावे, प्रीतीत तिने बहरावे, माझिया

Like
Like Love Haha Wow Sad Angry
91

Related Stories