||श्री भुवन सुंदराची आरती||

Shri Bhavan Sundarachi Aarti-Shri Bhavan Sundarachi Aarti is sung in the glory of god Shri Krishna also known by various names by his devotees like Kanha, Krishna,Mukunda,Murari.This is the marathi aarti which is sung to worship god Krishna.

आरती भुवनसुंदराची,इंदिरावरा मुकुंदाची ||धृ||

पद्मसम पाद्यू गमरंगा ओंवाळणी होती भृंगा,नखमणी स्रवताहे गंगा|

जे कां त्रिविधतापभंगा,वर्तुळ गुल्फ भ्राजमाने, किंकिंनीक्कणित नाद घणघाणीत|

वाकीवर झुणित नेपुरें झनन मंदिराची, झनन ध्वनी मंदिराची ||१||

पितपट  हाटकतप्तवर्णी कांती नितंब सुस्थानिं, नाभिची अगाध हो करणी |

विश्व जनकाची जे जननी, त्रिवलीललित उदरशोभा, कंबुगलभाल विलंबित झळाळ |

कौस्तुभ सरळ बाहु श्रीवत्स तरलमणिमरळ कंकणाची प्रीती बहुजडित कंकणाची ||२||

इंदुसम आस्य कुंदरदना अधरारुणार्क बिंबवदना, पाहतां भ्रांती पडे मदना|

सजलमेघाब्धि दैत्यदमना झळकत मकरकुंडलाभा, कुटील कुंतली मयूरपत्रावली|

वेष्टिले तिलक भालीं, केशरी झळाळीत कृष्ण कस्तुरीची ||३||

कल्पद्रुमातळीं मूर्ती सौदामिनी कोटी, दीप्ती गोपिगोपावली भवतीं|

त्रिविष्टप पुष्पवृष्टी करिती,मंजुळ मधुर मुरली नाद,चकित गंधर्व चकित अप्सरा|

सुरागीरीवरा, कर्पूरधरा रतिनें प्रेमयुक्त साची, आरती ओवाळीत साची || ४||

वृंदावनी चियें हरणी, सखे ग कृष्ण माय बहिणीं, श्रमलो भवाब्धिचे फिरनिं|

अतां मज ठाव देई चरणी, अहा हे पुण्याश्लोका, नमितो चरण शरण मी,करुणा येऊ दे विशाळपाणी|

कृष्ण नेणतें बाळ आपुलें राखीं लाज माझी, दयानिधे राखीं लाज माझी ||५ ||