Shree Gajanan Maharajanchi aarti is sung to worship Sant Gajanan maharaj. Sant Gajanan Maharaj was a saint in maharashtra. His temple is situated at Shegaon, Maharashtra.

जयजय सच्चित स्वरूपा स्वामी गणराया | अवतरलासी भूवर जडमूढ ताराया ||जय||

निर्गुण ब्रम्ह सनातन अव्यय अविनाशी | स्थिरचर व्यापुनी उरले जे या जगतासी |

ते तू  तत्त्व खरोखर नि:संशय अससी | लीला मात्रे धरिले मानव देहासी ||जयदेव ||१

होऊन देसी त्याची जाणीव तू कवणा | करुनी ‘गणी गण गणात बोते’ या भजना |

धाता हरिहर गुरुवर तूची सुख सदना |जिकडे पहावे तिकडे तू दिससी नयना ||जयदेव ||२

लीला अनंत केल्या बंकट सदनास | पेटविले त्या अग्नी वाचुनी चिलमेस|

क्षणात आणिले जीवन निर्जल वापिस | केला ब्रम्हगिरीच्या गर्वाचा नाश ||जयदेव||३

व्याधी वारूणी केले कैका संपन्न | करविले भक्तालागी विठ्ठल दर्शन |

भवसिंधु हा तरण्या नौका तव चरण | स्वामी दासगणूचे मान्य करा कवन ||जयदेव|| ४