शाळेला मारलेली दांडी

Like Like Love Haha Wow Sad Angry     आजही आठवतात ते दिवस “पोटात खूप दुखतंय ग” असं खोटखोट आईला...
Like
Like Love Haha Wow Sad Angry

 

 

आजही आठवतात ते दिवस
“पोटात खूप दुखतंय ग”
असं खोटखोट आईला सांगून
शाळेला मारलेली दांडी||

आणि “जास्त दुखतंय का रे”
असं म्हणत आईने भरलेला
तो कडू औषधाचा ग्लास
आणि बघून झालेली कोंडी ||

त्या दिवशी शाळेत शिकवलेल्या
अभ्यासाच्या वह्या संध्याकाळी
माझ्यासाठी माझ्या घरी घेऊन
आलेला “तो” मित्र ||

आणि त्याच्याच वहीच्या
शेवटच्या पानावर
मी रेखाटलेलं
त्याचंच व्यंगचित्र ||

वर्गात मस्ती केल्यामुळे
बाईंचा खाल्लेला मार…
मधल्या सुट्टीत
१ रुपयाचा मस्त
काला खट्टा थंडगार ||

परीक्षेच्या वेळी मात्र
पोटात यायचा नाही गोळा…..
कारण आईचा मार नको म्हणून
पाठांतर केलेलं असे अनेकवेळा ||

रिझल्ट लागण्या आधीच
पुढच्या ईयत्तेची केलेली असे तयारी…
कारण तेव्हा आमचा
“आत्मविश्वास” होता भारी ||

आता apprisal आणि promotion च्या
चढाओढीत फक्त राहिल्यात
मनात जपून ठेवलेल्या “त्या” आठवणी. ||

कविकुमार-

Like
Like Love Haha Wow Sad Angry

Related Stories