दिल्लीत मेगाइव्हेंट उपोषणाचा

मध्य दिल्लीत यापेक्षा उत्तम व सोयीस्कर जागा उपोषणासाठी नव्हती ! दिल्ली शहर परिवहनाच्या २१ वेगवेगळ्या माार्गांच्या बसगाड्या येथील बस स्टॉपवरून सुटतात . प्रगती मैदान मेट्रो स्टेशनही या जागेपासून फारसे दूर नाही . इतकेच नाही , तर परराज्यांतून अथवा बाहेरगावहून येणाऱ्या अण्णांच्या समर्थकांनाही हे स्थळ सर्वाधिक सोयीचे आहे ; कारण नवी दिल्ली आणि जुनी दिल्ली ही रेल्वे स्टेशनेही जयप्रकाश पार्कपासून जवळ आहेत . म्हणूनच दिल्ली पोलिसांची या जागेविषयीची सूचना अण्णांच्या सहकाऱ्यांनी लगेचच मान्य केली !
अण्णांना गुरुवारी रात्री गुडगावच्या एका हॉस्पिटलात दाखल करण्यात आले . अण्णांंना रक्तदाबाच्या काही तक्रारी असल्याचे कळले ; मात्र , ‘ अण्णांची प्रकृती ठणठणीत आहे . उपोषणाआधी रक्तदाबासह नियमित चाचण्या करणे गरजेचे होते . त्यासाठीच ते हॉस्पिटलात दाखल झाले ‘ असे रूग्णालयात दाखल करण्यात आले ‘, असे अण्णांचे निकटवर्ती मनिष शिसोदिया यांनी नमूद केले .

बहाद्दूर शहा जफर मार्गावरून जो रस्ता फिरोजशहा कोटला किल्ल्याच्या दिशेने जातो त्या रस्त्यावर डावीकडे हा पार्क आहे . या उद्यानाला एकूण चार प्रवेशद्वारे आहेत आणि सुमारे १५ हजारांची गर्दी या पार्कात सामावू शकते . दहा वर्षांपूर्वी हे उद्यान तयार झाले असले तरी अशा ‘ मेगाइव्हेंट ‘ चे आयोजन येथे पूर्वी कधी झाले नाही . काहींच्या मते या उद्यानाचे औपचारिक उद्घाटनही झाले नव्हते ! मात्र , आता अण्णांच्या उपोषणामुळे साऱ्या देशाचे लक्ष आता हा पार्क वेधून घेईल .