पोह्याचे प्रकार

Types of Poha :

Poha is a very famous dish. this recipe is generally used for breakfast. in this post we will see types of bitten rice.

Types of Poha

 

** दूध पोहे –

साहित्य –  एक वाटी पोहे, दोन कप दूध, आवडी नुसार साखर, थोडी वेलची पूड.

 कृती-   पोहे धुवून निथळत ठेवावे, दूध गरम करून घ्यावे. भांड्यात दूध, पोहे, साखर व वेलची पूड  घालून हळुवार एकत्रित करून खाण्यास द्यावे.

** दही पोहे-

साहित्य – एक वाटी पोहे. दिड वाटी गोडं दही,एक हिरवी मिरची, चवी नुसार मीठ, एक चमचा साखर, फोडणी साठी तेल, हिंग, मोहरी, कढीपत्ता.

कृती –  पोहे धुवून निथळत ठेवावे, पाणी न घालताच दही घुसळून घ्यावे. तेलात  हिंग, मोहरी, कढीपत्ता घालून फोडणी करून घ्यावी. ती पोह्यावर घालावी, साखर, मीठ, बारीक चिरून हिरवी मिरची पोह्यात घालावी. वरून दही घालावे व चहुवार सर्व मिक्स करून घ्यावे.

**  गुळ पोहे

साहित्य – एक वाटी पोहे, नारळाचा चव आणि गुळ.

कृती – पोहे धुवून निथळत ठेवावे, नारळाच्या चवात  गुळ अगदी बारीक किसून घालून मिसळून घ्यावा आणि पोह्यात मिसळून घ्यावा.

** सातोळे पोहे

साहित्य –   नारळाचे दूध, गुळ, वेलचीपूड, पोहे आणि  हळदीची पाने.

कृती –  नारळाच्या  दुधात गुळ बारीक करून व वेलची पूड मिळवून  ठेवावी, म्हणजे गुळ  दुधात पूर्ण पणे मिसळायला हवा.  पोहे धुवून निथळत ठेवावेत. नारळाच्या दुधात एक किंवा दोन हळदीची पाने टाकावीत व ते दूध कोमटसर गरम करावे. व थंड झाल्यावर त्यात पोहे  टाकावे. या पोह्यांना किंचित हळदीचा सुंदरसा वास येतो.

** साधे पोहे

आपण नेहमी करतो तेच कांदे पोहे परंतु त्यात कांदे न घालता नारळाचे पाणी घालून पोहे करावेत.